Boss ka Chamcha

Boss ko lage sabse achcha
Uska No. 1......Chamcha
Kya official kya personel
Saare kaam is se karawata hai
Jab bhi free time mile
Isi ko paas bithake pakata hai

Chamcha apna bada sayana
Subah ho ya Shaam Boss ki ghulami karta hai
Phir boss ko saamne rakhkar
Apne Saare colleagues par dhos jamata hai

Kaam ka Dikhawa koi inse seekhe
Subah sabse jaldi aana aur shaam ko sabse late jaana
ekdum stressful expression face par dikhana
aur boss ke alava kiska bhi phone time pe nahi uthana

Apne colleagues ke chote chote mistakes
Boss ko CC main rakh kar highlight karega
Jab bhi koi colleague palat ke jawab de
"Papa mereko daata" aisa boss ke saamne royega.

Kaam bhale hi kuch bhi jaane
Phir bhi colleagues ko apna gyaan dega
Mere bagair yahaan kya hoga
Aisa baar baar colleagues ko jatayega

Har waqt Naukri chodne ki baat karega
Par job chodke kabhi nahi jayega
Badi mushkil se boss ko pataa ke rakha hai
Aisa boss phir kahan mil payega

Kuch bhi karle bandhu
Tera phir bhi bajega baajaa
Sach kaha hai kisi ne
Office main apna chamcha raja

Hum Mumbaikar

8:15 ka Bus phir 9:15 ka Local
Isi ke peeche bhaagte hai aaj kal

Bheed main ghus ghus kar safar karte hai
kya kahen safar karte hai ya suffer karte hai

Train main bana lete hai khud ke group
koi bhajan kare aur koi rammi khele khub

Safar yuhi guzarta hai miljul kar
Aise hi hain Hum....Hum Mumbaikar

Office time par pahoonchna hai Bhai
Bus isi baat ki hume rehti hai ghaai

Umar guzarti hai is Bhaagam daud main
Kho dete hai khud ko waqt ki is race main

Phir bhi milte hai doston ko party main
Apni shaam guzarti hai yaaron masti main

Zindagi yuhi jeete lete hum khulkar
Aise hi hain Hum....Hum Mumbaikar

Road main Khadde dekhkar BMC ko kosa
Tarffic dekh kar apni kismat ko kosa
Badhti Meheghai dekh sarkaar ko kosa
India haari to Dhoni & team ko kosa

Kosne ke liye topic ki koi kami nahi hai
Phir bhi yeh Mumbai kabhi rukhti nahi hai

Yeh shahar yuhi jaagta rehta hai raat Bhar
Aise hi hain Hum....Hum Mumbaikar


Flat choose kiya Balcony ka view dekh kar
Par balcony main baite nahi kabhi pal bhar

Gym, club, swimming pool ka Fees bharte hai
Par yahan eid ke chand jaise nazar aate hai

Shaam guzarta hai yaaron ke sangh beer peekar
Phir yaad aata hai Gym apni badi tond dekh kar

Har pal bitate aise hai Mast rehkar
Aise hi hain Hum....Hum Mumbaikar

Distance to KM se nahi... Time se measure karte hai
Ek 1BHK main puri family ke saath zindagi basar karte hai
Mahine ka pehle taarik ko shaan se jeete hai
Mahine ke aakhir main kangal ho jaate hai
Teen din chutti wali weekend mila to picnic plan karte hai
Sirf sunday chutti raha to with family outing karte hai
Zindagi vyast hai phir bhi mast raha karte hai
Hum Mumbaikar apni life full on enjoy karte hai