Boss ko lage sabse achcha
Uska No. 1......Chamcha
Kya official kya personel
Saare kaam is se karawata hai
Jab bhi free time mile
Isi ko paas bithake pakata hai
Chamcha apna bada sayana
Subah ho ya Shaam Boss ki ghulami karta hai
Phir boss ko saamne rakhkar
Apne Saare colleagues par dhos jamata hai
Kaam ka Dikhawa koi inse seekhe
Subah sabse jaldi aana aur shaam ko sabse late jaana
ekdum stressful expression face par dikhana
aur boss ke alava kiska bhi phone time pe nahi uthana
Apne colleagues ke chote chote mistakes
Boss ko CC main rakh kar highlight karega
Jab bhi koi colleague palat ke jawab de
"Papa mereko daata" aisa boss ke saamne royega.
Kaam bhale hi kuch bhi jaane
Phir bhi colleagues ko apna gyaan dega
Mere bagair yahaan kya hoga
Aisa baar baar colleagues ko jatayega
Har waqt Naukri chodne ki baat karega
Par job chodke kabhi nahi jayega
Badi mushkil se boss ko pataa ke rakha hai
Aisa boss phir kahan mil payega
Kuch bhi karle bandhu
Tera phir bhi bajega baajaa
Sach kaha hai kisi ne
Office main apna chamcha raja
2 comments:
heheh yeh sach hai yeh tho kahani har office ki...har office mein yeh chamcha ek corrupt file ki tarah ghoomta rehta hai..mein hamesha sochti hoon yeh chamcho ke andar ka chemical reactions boss ko dekhte hi change hota hoga..
too good vasant that reminds me....of all those whom i met in my entire career.. u had exactly narrated them..practical thoughts and deserving words for them..hehhehe...keep up the good work.
Post a Comment