Log kehte the insaan ki zaroorat hai Roti Kapda aur Makaan
Par Mumbaikar hai Makaan Safar aur Budget se Pareshaan
In pareshaniyon main apni din ka chain aur Raaton ki neend khoya
Khud ke Haalat Dekh kar …… Dekh Mumbaikar Roya….!!!
Saal ka pagaar Lakhon main aur Makan Karod ka
Kaise bana payega Aashiyana khud ka
Kisi ne dollars main kama kar Investment ke naam Makaan liya
Kisine apna Kaala Dhan ko white kar ne chakkar main Makaan liya
Netaon ne loot ke maal se rishtedaaron ke naam Makaan liya
Bas isi hod main Makaan ka daam 5 guna badha diya
Jise asliyat main Ghar ki Zaroorat thi, who bhala Makaan kahan le paya
Bus bhaade ke kholi main parivar sahit apni Zindagi basar kar paya
Aur khud ka Makaan ek Sapna hi reh gaya
Par inhe apni sarakar ne Khub Sahara diya
Zakam hare the …uspar maano jaise Namak chidak diya
Registration fees se lekar Interest rates …. Sab badha diya
Poori zindagi ke kamai Makaan ke EMI aada karte karte Khoya
Khud ke Haalat Dekh kar …… Dekh Mumbaikar Roya….!!!
8 Ghante ka office aur 2-4 ghante ka Safar
Isi bhag daud main hoti hai aadhi Zindagi Guzar
Safar ke tarike bhale alag ho par sab hai Pareshaan
Gaadi chalene wale Khaddon aur Traffic se Pareshan
Bus, Train se jaane wale Bheed aur dhakke se Pareshaan
Aur to aur Auto main jaane wale Auto rokte rokte Pareshaan
Corporation bhi humara khub saath deti hai
Sadake tayaar nahi hui… khodne ke liye tayyar ho jaati hai
Internaional market aur dollar price ke bahane lekar lagatar Petrol ke Paise badhai
Par saath main CNG aur LPG ke Paise kyoun badhe yeh aaj tak samaj nahi aayi
Bus Petrol/Deisel ke daam aur nahi badhe yeh dua karo
Aur khadde, traffic ko kos kos kar apni zindagi yuhi guzaro
Aur is Khadde se Bhari sadakon ke liye Aajeevan Toll Bharo
MMRDA bus board lagate rahegi “For Better Tomorrow”
Parivaar ke saath kya waqt bitaye .. yeh to safar se hi thak se so gaya
Khud ke Haalat Dekh kar …… Dekh Mumbaikar Roya….!!!
Budget ke bare main kuch mat poochon bhai
Yeh gutti to kabhi sulaj nahi paayi
Karcha humesha Aamdani par bhaari padi
Mahengai bus Belagam Ghodi ke trah aagi badhi
Jab Jab Petrol/Deisel ke Daam Badhe
Zaroorat ke har cheez ke daam badhe
Aam aadmi par Karche Boj aur badh gayi
Karche badhi to Inflation badh gayi
Aur RBI ne sochi humari karch karne ke shamta badh gayi
Bas unki isi soch se dekho Interest rate bhi badh gayi
Bachchat to bhul hi jao, Karje le le kar apne karche chalaya
Khud ke Haalat Dekh kar …… Dekh Mumbaikar Roya….!!!
Slowly but steadily Mumbai is becoming unlivable. We see all this things around us, we complain but we do nothing to change it.
I am writing this blog purposely when Municipal Corporation Election is nearing.Of late it is being taken for granted we Mumbaikar’s have learnt to bear everything… keep fighting for living life and do nothing for what is happening around us. This is evident by turnout for votes during elections. Most of the time it is below 50%.
Lets change it now….. Let’s Vote … and show these politicians that they cant survive unless the deliver result.
