Mujhe Ab Aur jeena hai

Dedicated to all Rape victims in India who die pre-matured death.

Zindagi aur Maut ke beech . .
Bus chand Lamhe baaki hai

Samay ab jaise tham si gayi
Aur kuch saans aur baaki hai

Yeh Maut kyoun dastak de rahi hai
Jab Zindagi se ru-ba-ru hona hai
Aye Maut tu tahar jaa
Mujhe ab aur jeena hai

Mere farz mere Daaman keech rahe hai
Parivaar ummeed se meri or dekh rahe hai
Maa Baap ki nigahen aashaon se bhari hai
Nibhani apni Bhai Bahen ki zimmedari hai

Apno ki zindagi meri or Dekh rahi hai
Mujhe inke kal ke liye jeena hai
Aye Maut tu tahar jaa
Mujhe ab aur jeena hai

Hosh sambhala to zimmedari aayi
Khud ke liye kabhi jee na payi
Kuch khwaab bhune the maine
Kuch manzilen chune the maine

Tinka tinka jod kar
Badh rahi thi mere sapne ki oar
Kya mujhe pata tha
Itne jaldi tootegi jeevan ki dor

Zindagi se ru-ba-ru bhi nahi ho payi
Aur maut ko Gale lagana hai
Aye Maut tu tahar jaa
Mujhe ab aur jeena hai .